Македонската карате федерација (МКФ), однонсно Извршниот одбор, донесе одлука на 23 декември минатата година да ги финансира учесниците Карате 1 – Премиер лигата, Серија А, во Париз-Франција од 26 до 28 јануари, но со различен степен на покриеност.
Така КФМ целосно ги покрива трошоците за котизација и патување со авински превоз за сите 11 натпрварувачи во сениорска конкуренција кои се рангирани до 50-то место на Ранг листата на Светската карате федерација (ВКФ) и тоа: Берат Јакупи, Емил Павлов, Наташа Стефановска, Пуликсенија Јовановска, Жарко Арсовски, Симона Заборска, Моника Стефановска, Сара Радичевска, Ненад Келебиќ, Мартин Несторовски и Јована Георгиева. На тројца натпреварувачи целосно ќе ги покрие трошоците и за сместување, како најдобро рангирани на Ранг листата на Светската карате федерација: Берат Јакупи, Емил Павлов и Жарко Арсовски.
За останатите осум натпреварувачи: Симона Заборска, Моника Стефановска, Наташа Стефановска, Пуликсенија Јовановска, Сара Радичевска, Ненад Келебиќ, Мартин Несторовски и Јована Георгиева, КФМ не ги покрива потребните средства за сместување, а нив треба да ги платат клубовите.
КФМ како опција ја остава можноста за покривање на трошоците и на осумината каратисти доколку добијат средства од Агенцијата за млади и спорт.
Кога влегуваме во олмписките квалификации оваа одлука е спротивна на онаа што е донесена на 1 јули минатата година со која на каратистите до 50-тото место им се покриваат сите трошоци за настапите во Премиер лигата во Лајпциг, Истанбул и Салзбург.
Ако се има во предвид дека Олимпискиот комитет на Македонија (МОК) стипендира четворица каратисти до ОИ во Токио 2020 година и Агенцијата за млади и спорт (АМС) од годинава до 2020 година ќе финансира олимписки кандидати, тогаш оваа одлука е чекор назад во однос на ланската, бидејќи сега има вишок на средства, односно МОК и АМС ќе финансираат неколку кратисти.
Мора да истакнеме дека МОК не дава кеш-пари, туку ги плаќа настапите кои се неопходни за изборување на норма за Олимпијадата, додека АМС ќе дава префрла финансиски средства.
Затоа е зачудувачки да не се прошири кругот на каратисти на кои 100 отсто ќе и бидат покриени трошоците, а и да одат на подготовки како и другите. Не се знае кој ќе направи резултат.
Ipon.mk/В.Д.
