По вториот ден на Светското карате првенство во Будимпешта, Унгарија, останува констатацијата дека во поединечна конкуренција во борби останавме без медал.
Во девет натпревари забележавме 3 победи и 6 порази, при што никој не доби шанса во репасажот.
Вероника Костовска, Матеј Белистојаноски и Емил Павлов извојуваа по една победа.
На последното СП во Дубаи Емил Павлов освои сребрен медал, што е најголем успех на македонското карате. Од светските првенства имаме и бронза која ја освои Жарко Арсовски на СП 2010 година во Белград. Но, вчера и денес немавме адут за висок пласман.
Остануваат уште настапите на машките тимови во борби и кати.
На СП учествуваат 988 каратисти со 1130 натпреварувачки влезови од 112 држави.
Резултати на СП:
-50 кг
Михаела Мишовска – Нисва Ахмед (Франција) 0-3
-55 кг
Јована Греоргиева – Сиригамоланте Чокпрасертагул (Тајланд) 1-3
-61 кг
Вероника Костовска – Исидора Фернандез (Бразил) 3-2
Вероника Костовска – Александра Гранде (Перу) 1-2
Женската кумите екипа ја сочинуваат: Георгиева, Јовановска, Костовска, Мојсовска.
Македонија – Јужноафриканска Република
-60 кг
Матеј Белистојаноски – Ли Веи Хсу (Тајван) 0-0
Матеј Белистојаноски – Разах Надијае (Сенегал) 0-3
-67 кг
Емил Павлов – Винисус Фигуеира (Бразил) 2-1
Емил Павлов – Али Елшави (Египет) 0-2
-75 кг
Мурсел Мисини – Фарид Агаев (Азербејџан) 3-2
Машкиот кумите тим: Хаџи Кимов, Павлов, Месини, Петар Заборски, Спасеновски, Јакупи и Стефан Стојановиќ.
Македонија – Грузија
Кати тимот мажи е во втора група со 7 репрезентации: Кристијан Бајовски, Давид Спасовски, Александар Спасовски и Андреј Стојановски.
