Саул Алварез објави неочекувано име за следната борба.
Канело на 7 мај на новата Т-Мобиле арена во Лас Вегас ќе има борба против Амир Кан.
Англичанецот (29 г.), поранешен ВБА и ИБФ шампион полувелтер категорија, ќе ја зголеми тежината и ќе се бори со Мексиканцот за ВБЦ титулата во средна категорија. Мечот ќе се одржи во catchweight од 70,3 килограми.
Алварез (25 г.) светската титула ја освои во ноември против Мигел Кото, додека Кан во неговата единствена борба во 2015 година, во мај, со едногласна одлука на судиите го победи Крис Алгиерија.
Кан нема борбено исксутво во средна категорија и Канело е поголем од него, но Британецот цело време беше во потрага за борба кој ќе му донесе голема заработувачка, и ја најде.
Победникот од оваа борба ќе мора да се бори против Генадиј Головкин.
