Првакот на УФЦ во средна категорија, Камару Усман, следниот викенд по шести пат ќе ја брани титулата, а противник на УФЦ 278 во Солт Лејк Сити ќе му биде Леон Едвардс. Тоа ќе биде втор меч меѓу нив во кариерата.
Во првата борба, која се одржа во декември 2015 година, Нигериецот победи со едногласна одлука на судиите.
Усман за неколку дена ќе се соочи со незгоден противник кој има девет победи на последните десет меча, а еден меч против Белал Мухамед е откажан.
Но, шампионот во средна категорија истакнува дека многу повеќе го интересира борбата против друг противник – Хамзат Чимаев.
„Едвардс е исклучително тежок и многу вешт борец. Можеби не е толку популарен, па луѓето автоматски го отпишуваат. Но, тоа не е вистина. Тој е добар борец и тоа е голем притисок за мене“, изјави Камару Усман и откри дека уште еден натпревар би го мотивирал уште повеќе:
„Малку се зборува за таа борба, но ако се борев против Хамзат, ќе беше друга приказна. Многу ме интересира тој меч. Каде и да одам сите зборуваат само за тој потенцијален меч. Тешко е да се игнорира“.
