Одличниот дагестански боксер Артур Бетербиев ќе се врати во рингот на 19 август кога против Англичанецот Калум Смит ќе го брани појасот светски шампион во полутешка категорија на ВБЦ, ИБФ и ВБО.
Бетербиев сите 19 меча во професионалната кариера ги доби со нокаут, па затоа поранешниот шампион во суперсредна категорија е особено мотивиран.
Во својот последен меч во јануари, непоразениот Дагестанец со прекин во осмата рунда го совлада Ентони Јард.
А Смит по единствениот пораз во кариерата во декември 2020 година од Канело Алварез се пресели во повисока категорија и со нокаут ги победи Ленин Кастиљо и Матје Баудерлик.
Англичанецот верува дека може да ја продолжи таа серија против дагестанскиот нокаутер.
„Силен сум и верувам дека ќе го нокаутирам Бетербиев. Ќе биде тешка борба. Но, видов како другите го повредуваат, па можам и јас“, вели Калум Смит и додава:
„Имам елабориран план за подготовка и ќе бидам подготвен за најтешките 12 рунди во кариерата. Верувам дека можам да го победам и да му ги земам трите појаси. Сакам да бидам шампион во две категории. Работев напорно за да добијам шанса и имам намера да ја искористам“.
https://twitter.com/8Xbet/status/1663862892163391499?ref_src=twsrc%5Etfw%7Ctwcamp%5Etweetembed%7Ctwterm%5E1663862892163391499%7Ctwgr%5E7624fd1e5cba2dd8d4268f8956d38a4c600461dd%7Ctwcon%5Es1_&ref_url=https%3A%2F%2Fwww.croring.com%2Fboks%2Fcallum-smith-puca-od-samopouzdanja-nokautirat-cu-beterbieva%2F
