Гловер Тешеира за прв пат ќе ја брани титулата во полутешка категорија на настанот УФЦ 275 во Сингапур на 11 јуни, а противник му е Чехот Јиржи Прохаска.
Тешеира го освои појасот во октомври минатата година, кога во втората рунда со давење од пзади го победи Јан Блахович. Тоа беше негова шеста победа во низа.
А Прохаска многу брзо доби шанса да се бори за тронот.
Имено, чешкиот борец дебитираше во УФЦ на крајот на 2020 година, и по двете победи против Волкан Оездемир и Доминик Рејес ја освои титулата предизвикувач.
За Јиржи ова е меч на кариерата, а во едно од последните интервјуа откри каква тактика ќе користи против шампионот.
„Морам да го сменам стилот, особено се занимавав со борење и борби на партер. Затоа тренирав со Хенри Сехудо, а слични подготовки имав и со тренери во Чешка. Сите знаат во што сум многу добар, која е мојата слабост. Но, тренирав сè и верувам во себе многу повеќе од порано“, истакна Јиржи Прохаска и додаде:
„Гловер е голем противник и поради тој меч тренирав уште некои вештини во кои досега не сум бил толку добар. И сега сум многу подобар во тоа. Морам да доминирмам во борбата и на партер. Другите борци го прифаќаат неговиот борбен стил и само се бранат. А не сакам да се бранам. Напаѓам постојано и секогаш сакам да доминирам“.
Јиржи Прохаска има 28 победи, три порази и една нерешена броба. Интересно, 25 меча ги заврши со нокаут, во два победи со „принуда“, а на еден славеше со судиска одлука.
