Шампионот на УФЦ во средна категорија, Израел Адесања, ќе ја брани титулата против Џаред Канониер на настанот УФЦ 276, кој ќе се одржи на 2 јули во Лас Вегас.
За Изи ова ќе биде петта одбрана на појасот од октомври 2019 година, кога во борбата за титулата го совлада Роберт Витакер.
Канониер е особено опасен напаѓач и секогаш физички добро подготвен, додека Адесања е еден од покомплетните борци со одлична техника.
Шампионот е сериозен за секоја борба, па максимално се подготвува за овој натпревар.
Во објава преку Твитер тој размени неколку пораки со својот соборец Бред Ридел.
„Тоа е најдобрата болка. Ќе се задржам на тоа“, напиша Адесања, а Ридел објасни дека тоа биле жестоките подготовки на Изи.
„Ќе го направам тоа со леснотија“, заклучи Израел Адесања.
Но, соочувањето со нигерискиот борец со новозеландски пасош е секако тешка задача. И по овој меч има намера да го задржи појасот.
„Појасот е доста тежок, а во моментов не знам каде се наоѓа. Не се врзувам за такви работи. Но, ми се допаѓа што е во моја сопственост“, истакна Израел Адесања.
#UFC276 , I’m gonna make it look easy. pic.twitter.com/TtldcDMv2V
— Israel Adesanya (@stylebender) May 24, 2022
