Поранешниот шампион во средна категорија на УФЦ, Израел Адесања, ја коментираше претстојната борба против Насурдин Имавов, која ќе се одржи на 1-ви февруари во Саудиска Арабија на УФЦ Фајт најт 250.
„Сè уште се борам затоа што можам и навистина сум добар во тоа. За малку ќе заборавев колку сум голем. Тоа се случи и имаше причини за тоа, па морав да се потсетам на тоа“, изјави Адесања на неговиот Јутјуб канал.
Призна дека е свесен за опасностите што ги носи Имавов, нагласувајќи дека е запознаен со неговите силни страни: „Знам дека е опасен. Знам дека е паметен. И ми се допаѓа неговиот стил. Тој има добра работа со нозете, опасен е и добро трениран во сите аспекти“. Сепак, Адесања истакна дека за него борбата не е за противникот, туку за сопственото подобрување: „Не се работи за него, туку за мене. Треба да се подобрам и да покажам што навистина можам да направам во целиот спектар на мешаните боречки вештини“.
