Белал Мухамед е новиот шампион на УФЦ во полусредна категорија.
Американецот со палестински корени доминираше со Леон Едвардс и го симна од тронот. Тие беа предводници на настанот УФЦ 304 кој се одржа во Манчестер, Англија. Мухамед настапи брилијантно и не му даде шанса на Едвардс. Борбата траеше сите 25 минути и дојде одлука која беше едногласна за Мухамед – (48–47, 48–47, 49–46).
Од самиот почеток Мухамед ја однесе битката на партер. Го држи Леон и удира со тупаници. Едвардс станува на нозе и двајцата се прицврстуваат. Разменуваат удари и колена. Следува разделба, а Леон зададе силно колено и аперкат. Белал го повредува Леон со силна комбинација, а потоа го соборува и го држи до крајот на рундата. 1-0 за Мохамед.
Втората рунда имаше размена на удари, а потоа Белал се обиде да го собори, но Леон се бранеше. Следеше клинч и Мухамед го собори Едвардс, а потоа му го фати грбот. Се соочуваат во клинч, но Белал повторно го соборува Леон и му го фаќа грбот. Се средуваат уште еднаш и Белал добива драгоцена контрола на времето во клинчот.
Во последната минута Леон ги сврте работите и го собори Мухамед, а потоа го притисна на мрежата и го држеше до крајот на рундата. 2-0 за Мухамед.
Во третата рунда Белал ја намали дистанцата и го собори Едвардс. Леон ги сврте работите, потоа му го фати грбот на Мухамед и се обиде да го задуши. До крајот на рундата Леон го држеше Мухамед во триаголник. Тоа е прва победа во рунди за шампионот кој конечно се разбуди. И двајцата имаат неколку минути контрола еден врз друг.
Во четвртата рунда Белал притисна и влезе во клинч. Му го фати грбот на Леон и го удри. Мухамед се замота околу Леон и го држеше на подот. Така, продолжува да добива драгоцено време за контрола. Леон не може да се извлече и ја губи борбата. Во последните секунди Едвардс зазеде доминантна позиција и Белал се залепи за него како што истекуваше времето. 3-1 за Мухамед.
Белал во последната рунда повторно го бараше клинчот и му го фати грбот на шампионот. Го соборува и го удира. Леон ја губи борбата, но не знае како да излезе. Белал поентира со удари и чека да истече времето за победа. Во последните секунди Леон се извлече и го удри со лакт, што му пушти крв на Мухамед.
Белал се залепи за Леон како давеник за сламка и се огласи сирената. 4-1 за Мухамед и тој победи со одлука – (48–47, 48–47, 49–46).
https://twitter.com/ufc/status/1817428486027456875
https://twitter.com/UFCEurope/status/1817427545697989102
И двете борби на почетокот на главната програма завршија со едногласна одлука на судиите, Грегори Родригез го совлада Кристијан Лерој Данкан, а Арнолд Ален беше подобар од Гига Чикадѕе.
Резултати од настанот УФЦ 304:
Белал Мухамед – Леон Едвардс – едногласна одлука (48–47, 48–47, 49–46)
Том Аспинал – Картис Блејдс – ТКО (удари), Р1 (1:00 часот)
Педи Пимблт – Боби Грин – техничка завршница (триаголник), Р1 (3:22)
Грегори Родригез – Кристијан Лерој Данкан – едногласна одлука (30–27 х 3)
Арнолд Ален – Гига Чикадѕе – едногласна одлука (29–28, 29–28, 29–28)
Воведни борби:
Натаниел Вуд – Даниел Пинеда – едногласна одлука (29–27, 29–27, 29–28)
Бруна Бразил – Моли МекКен – едногласна одлука (30–27, 29–28, 29–28)
Џејк Хедли – Каолан Лофрен – едногласна одлука (30–27, 30–27, 29–28)
Мухамед Мокаев – Манел Капе – едногласна одлука на судиите (29–28, 29–28, 30–27)
Обан Елиот – Престон Парсонс – едногласна одлука (29-28, 30-27, 30-27) 3 5:00
Модестас Букаускас – Марцин Прачнио- завршница (задушување со рачен триаголник) Р3 3:12
Сем Патерсон – Кифер Крозби -завршница (гушење со рачен триаголник) Р1 2:50
Мик Паркин – Лукаш Брзески КО (удари) Р1 3:23
Шауна Банон – Алис Арделан – со поделена одлука (28–29, 29–28, 30–27) Р3 5:00
