Ислам Махачев се враќа во јануари 2025 година да се бори на настанот УФЦ 311. Веста доаѓа од Хабиб Нурмагомедов, кој е во посета на Малезија и учествува на прес-конференција. Хабиб не откри каде ќе се случи настанот и кој ќе се соочи со неговиот пријател. Тоа најверојатно ќе биде Арман Царукјан, кој е предизвикувач број 1 на организацијата во лесна категорија.
Ислам се очекуваше да се бори на крајот на октомври во Абу Даби, но тој не успеа бидејќи имаше повреда на раката. Ислам моментално се опоравува и наскоро ќе има официјални вести за борбата со негово учество. Во април оваа година Арман го победи Чарлс Оливеира и си заработи шанса за титулата со Дагестанецот. Двајцата веќе имаа една пресметка меѓу себе.
Во 2019 година Арман дебитираше во УФЦ со борба против Махачев. Тој се претстави добро, но загуби со одлука. Оттогаш помина многу време и сега Арман верува дека може да го победи.
„Секогаш ќе има нови предизвици. Во моментов, Ислам не е само шампион, туку и најдобар борец во светот. Овој спорт се развива многу брзо. Се појавуваат млади борци и за него секогаш ќе има предизвици. УФЦ ни понуди борба во јануари. Ние го прифативме.
УФЦ наскоро ќе го објави соопштението каде ќе се одржи и кој ќе биде противникот на Ислам Махачев. Лично нема да кажам ништо за тоа, но можам да кажам дека сме фокусирани на јануари“, изјави Хабиб на прес-конференција во Малезија.
View this post on Instagram
