Шампионот на УФЦ во лесна категорија, Ислам Махачев, рече дека борбата против Американецот Џастин Гејџи е подобра од борбите против Арман Царукјан или Чарлс Оливеира, бидејќи веќе ги победил.
Во неделата вечерта Махачев се врати во Махачкала, откако претходно овој месец ја одбрани титулата со победата над Ренато Моикано. Махачев требаше да се бори со Арман Царукјан на УФЦ 311 во Калифорнија, но тој се повлече и Моикано го замени. По настанот Дана Вајт изјави дека Царукјан ја губи шансата за титулата и дека треба да се бори уште еднаш.
Останува неизвесно кој ќе се бори со Махачов, но ѕвездата од Дагестан ја разјасни работата. Рускиот ММА борец рече ако Гејџи се претстави добро во следната борба, тогаш тие би можеле да се сретнат во октагонот. Џастин ќе се бори со Новозеландецот Ден Хукер во март на УФЦ 313 во Лас Вегас.
„Се уште не сум се борел со Џастин Гејџи. Веќе се борев со Арман Царукјан и Чарлс Оливеира. Подготовката за истиот противник не е толку голема мотивација. Но, ако Гејџи се покаже добро во следната борба, тогаш мислам дека можеме да се сретнеме“, рече Махачев.
Ислам Махачев го планира своето враќање за време на Меѓународната недела на борбите во Лас Вегас ова лето. Она што го кажа треба да го инспирира Гејџи, кој можеби ќе заслужи последен шанса за титулата во УФЦ.
View this post on Instagram
