Генади Головкин (41-1-1) ќе се обиде да ги обедини сите светски титули во средна категорија. Тоа ќе се случи доколку апсолутниот шампион во суперсредна категорија Канело Алварез (57-1-2) одбие да се сретне по трет пат и еднаш засекогаш да им ги расчисти сметките.
Таков е патот на казахстанската суперѕвезда што го зацрта менаџерот Еди Херн. Според него, организирањето на трилогија меѓу ГГГ и Канело ќе биде исклучително тешко, со оглед на тоа што Алварез веќе се подготвува да боксира во полутешка категорија, а самиот Головкин нема желба да се здебелува и да менува категорија.
Тие имаа два меча за паметење во 2017 и 2018 година, а резултатот беше нерешен и контроверзна победа на Канело од 2-0. Ова го остави нивниот спор нерешен и многумина едвај чекаат повторно да ги видат лице в лице во рингот.
Головкин моментално е шампион на ИБФ во средна категорија, а на 29 декември ќе боксира со носителот на појасот на ВБА, Риота Мурата (16-2) во Саитама. Според Херн, победа и недостаток на трилогија ќе значат меч за следната титула на ГГГ. Во овој случај, противник ќе биде или Џармел Шарло (32-0), кој го има ВБЦ појасот, или носителот на титулата во ВБО, Деметриус Андраде (31-0).
„Нема многу опции за Генади. Или трилогија со Канело, или спој на сите појаси. Ако го победи Мурата, тогаш следниот мора да биде Шарло или Деметриус. За мене Андраде е најверојатниот противник на ГГГ. Тој повеќепати кажа дека сака да ги обедини појасите, а тоа значи битка со Головкин“, ја коментираше ситуацијата Еди Херн.
