Сајад Гариби, познат и како Иранскиот Хулк, коментираше што ќе се случи со неговиот противник во Битката на чудовиштата, Мартин Форд.
Потсетуваме дека двата гиганти ќе ги одмерат силите во меч кој ќе се одржи на 2 април во О2 арената во Лондон. Судирот наречен „Битката на чудовиштата“ е официјален и ќе биде вклучен во боксерската статистика.
„Мартин Форд, продолжи да навредуваш колку сакаш. Да се правиш кловн и да покажуваш непочитување. Сепак, ти ветувам дека на носилки ќе те изнесат од рингот. Нема да имаш никакви шанси против мене“, изјави Гариби.
На крајот од видеото, Иранецот здроби портокал, покажувајќи ја својата сила и она што го очекува Форд.
Мечот ќе се одржи во 4 рунди по 2 минути. Тој ќе биде набљудуван од PBA (професионално боксерско здружение). Во наредните недели се очекуваат судири за загревање, во кои ќе се најдат популарни имиња во шоу-бизнисот. Билетите ќе бидат пуштени во продажба на 11 февруари.
Рингот ќе биде што поголем, како големина што е прифатлива според PBA. Форд и Иранскиот Хулк ќе боксираат со ракавици од 14 унци. Тројца судии ќе бидат покрај рингот и доколку не се постигне нокаут, нивната одлука ќе биде официјализирана.
Мартин Форд се подготвува за борбата со Гариби со можеби најпознатиот кикбоксер во светот во моментов – Рико Верховен.
