Освојувачот на бронзениот медал од Олимписките игри во Сиднеј 2000 година, Могамед Ибрагимов, за вчера завршениот турнир 40. „Македонски бисер“ вели дека бил добро организиран и имало квалитетни борби.
„Добро е што Македонија имаше млади борачи на турнирот кои прикажаа добри борби. Тука мислам на Армин Идризи (57 кг) и Ријад Реџепи (61 кг). Во Македонија има борачка традиција, останува да се работи со малдите од 15-18 години, за да може да сметаме на нивно вклучување во олимпсикиот циклус за Олимпијадата во Токио 2020 година“, изјави Ибрагимов.
Тренерот на репрезентацијата Лулзим Вренези смета дека младите борачи прикажале добри борби.
„Подмладувањето во репрезентацијата е добредојдено, а Николче Петров, Ријад Реџепи и Александар Здравев покажаа дека може да се борат за место во најдобрата репрезентација на Макеоднија“, истакна Вренези.
Финалните борби на Македонсккот бисер ги следеше и „таткото“ на современото македонско борење, Ристо Таков, кој во Штип ги започна првите активности во овој спорт.
„Македонските борачи беа неподготвени. Некои од нив ме изненадија негативно и разочараа. Гостите од другите држави оставија мошне добар впечаток, особено двајцата борачи од Јапонија, кои ќе учествуваат и на ЛОИ во РИО…“– изјави Ристо Таков.
Ристо Таков ги додели и трофеите на најдобрите борачи, а од претседателот на ФБСМ, Ванчо Чифлиганец ја доби монографијата 55 години македонско борење.
Ipon.mk/В. Д.-К.М.
