Филип Хрговиќ (9-0, 7 КО) по втор пат ја одбрани меѓународната титула во тешка категорија на ВБЦ во мексиканскиот Хермосило.
27-годишниот боксер од Загреб го нокаутира Марио Хередија (16-7-1, 13 КО) во третата рунда.
Хрговиќ од самиот почеток успешно ја искористи предноста од 20 сантиметри и растегот на рацете и удира директно. Мексиканецот се обидува со крошеа и еднаш го погодува со десницата.
Хередија агресивно ја отвора втората рунда, но Хрговиќ е добар и е во блиска борба. Домашниот боксер во неколку наврати добро го нападна телото, а хрватскиот боксер одговори со десен директ и со два десни аперкати. Хереди враќа со добар десен контра удар и кроше во телото.
Завршницата на рундата му припаѓа на Хрговиќ.
На стартот на третата рунда Хрговиќ погодува во серии и го руши Хередија. Мексиканецот успеа да стане, но судијата процени дека не може да продолжи и ја прекина борбата.
