Новиот шампион на УФЦ во полутешка категорија (до 93 килограми), Американецот Џамал Хил, зборува за шансите на поранешениот предизвикувач Магомед Анкалаев за уште една борба за титулата.
Како што е познато, Анкалаев во декември на УФЦ 282 врза борба за празната титула со полскиот ветеран Јан Блахович, по што за овој појас се бореа Хил и Гловер Тешеира.
„Не мислам дека УФЦ го гледа Магомед како следниот предизвикувач со оглед на тоа како реагираше на одлуката на судиите да објават нерешен резултат. Тој рече дека никогаш повеќе нема да се бори во УФЦ. Ваквото однесување нема да ви донесе титула брат. Можеби ќе биде принуден да направи уште еден тест“, изјави Хил за ММАЏанки.
