Со месеци чекавме екипите на Ентони Џошуа и Тајсон Фјури да се договорат за меч за апсолутен светски шампион и сега кога практично сè е готово, пристигна судска одлука со која Кралот на Ромите треба да се бори со Дионтеј Вајлдер до 15 септември.
Промоторот на Фјури, Боб Арум, рече дека нема да му понуди пари на Бронзениот бомбардер за да се покријат, но ќе побара друго решение.
Џошуа сè уште не ги коментира последните настани, единстевно објави видео на својот Инстаграм како трча.
Средбата за обединување на титулите е закажан за 14 август во Саудиска Арабија.
Светскиот шампион во бокс, 31-годишниот Ентони Џошуа, е сопственик на титулите на ВБА, ИБФ и ВБО, а една година постариот Тајсон Фјури би требало да го донесе во рингот појасот на ВБЦ.
Доколку Фјури биде принуден да се бори со Вајлдер, веројатно е дека и Џошуа ќе се сврти кон нов противник, а тоа може да биде Александар Усик.
Имено, украинскиот удирач е предизвикувач на ВБО и со нетрпение ја мерка титулата. Околу кариерата на Џошуа, неговиот промотор Еди Херн е многу јасен.
„Доколку тимот на Фјури не го реши проблемот со Вајлдер до крајот на неделава, ќе бидеме принудени да продолжиме понатаму и да бараме друг противник. Џошуа сака да се бори ова лето, а можен ривал е Александар Усик. Но, имаме и други решенија“, рече Еди Херн, додавајќи дека Вајлдер има право да победи на мечот против Фјури:
„Постојано се зборуваше дека нема да има ништо од арбитражата, а сега се појави голем проблем. Но, се надевам дека ќе има борба меѓу Џошуа и Фјури“.
