Ентони Џошуа со нокаут во седмата рунда пред еден месец го победи Роберт Хелениус, кој влезе како замена за Дилиен Вајт.
Меѓу кандидатите за противник на Џошуа, откако Вајт отпадна поради пад на допинг тестот, беше и Хрватот Филип Хрговиќ.
Најдобриот хрватски боксер се бореше на истиот настан во лондонската О2 арена и со прекин во 12. рунда го победи Демси МекКин.
Во последните недели се ажурираше приказната околу мечот меѓу Ентони Џошуа и Дионтеј Вајлдер, но се чини дека преговорите заглавија.
Промоторот на Џошуа, Еди Херн, откри можен резервен план доколку не се договори борбата Џошуа-Вајлдер, која е закажана за почетокот на следната година.
„Ги договоривме условите, но натпреварот нема да се одржи доколку не добиеме договор. Џошуа и Вајлдер сакаат борба, но додека не се обезбедат парите ништо од мечот“, истакна Еди Херн и додаде:
„Ако тоа не се реши наскоро, тогаш Еј Џеј најверојатно ќе се бори во декември, надвор од Саудиска Арабија. Ентони сака да остане активен. Долго чекавме и бевме трпеливи, но се се решава многу бавно. Ако наскоро не се договориме нешто, Џошуа во декември би можел да се бори со Филип Хрговиќ или Енди Руиз“.
