Хамзат Чимаев: Каква пензија? Сакам титула во три категории
Третиот на ранг-листата на УФЦ во средна категорија (до 84 кг), непоразениот Хамзат Чимаев ги негираше гласините дека е подготвен да ја заврши кариерата по освојувањето на титулата.
Да потсетиме дека непоразениот Хамзат ќе ја одржи следната борба против актуелниот носител на титулата во средна категорија на УФЦ, Јужноафриканецот Дрикус ду Плесис. Нивната средба ќе биде главна борба на турнирот УФЦ 319, кој ќе се одржи на 17 август во Чикаго (Илиноис, САД).
Неодамна се појавија гласини дека Чимаев планира да се повлече од ММА ако стане шампион. Ова го негираше „Борз“, кој сака да стане шампион во 3 различни категории. Доколку Чимаев успее да го победи Ду Плесис, тогаш планира да се бори против Џек Дела Мадалена или победникот од мечот Алекс Переира – Магомедов Анкалаев.
„Ќе дадам сѐ од себе, како што секогаш правам. Ќе видиме колку брзо ќе оди борбата, и ќе оди брзо. Но, ако борбата трае пет рунди, ќе бидам подготвен. Не знам од каде доаѓаат овие гласини за пензионирање. Човече, ми требаат пари. А една титула нема да биде доволна.
Мојот нов тренер рече: „Дајте ми неколку месеци и можеме да се спуштиме во велтер категорија“. Овој Австралијанец (Џек Дела Мадалена) би бил добра борба за мене. Да се борам со него, да го земам појасот таму. Можам да се борам и со победникот од борбата Анкалаев – Переира“, изјави Чимаев за ЕСПН.
View this post on Instagram
