Лас Вегас – Хабиб Нурмагомедов се појави на прес-конференцијата по УФЦ 229. Но, темата на разговорот, се разбира, не беше неговата победа над Конор Мек Грегор туку тепачката која ја започна шампионот во лесна категорија откако тој ја одбрани титулата.
Хабиб откак го победи Мек Грегор скокна надвор од кафезот и физички го нападна неговиот тимски колега Дилан Данис. Следеше тепашка во која учествуваа уште неколку членови од придружбата на Кабиб, како и на Мек Грегор.
Нурмагомедов на прес-конференцијата објасни дека неговото однесување било реакција на сите провокации и навреди кои во последниве месеци и недели дошле од страна на Ирецот.
„Пред се, сакам да се извинам на Атлетската комисија на Невада и на Лас Вегас“, рече Хабиб. „Знам дека ова не е мојата најдобра страна, јас сум човечко суштество и … Не ми е јасно како луѓето може да се зборува само за тоа како скокнав од кафезот.
А што е со сите што (Мек Грегор) зборуваше? Зборуваше за мојата религија, мојата земја, татко ми. Дојде во Бруклин и го скрши автобусот и речиси уби неколку луѓе. Што е со тие серења? Зошто луѓето зборуваат за моето излегување од кафезот? Не разбирам.
Полна сум со почит. Татко ми ме учеше секогаш да покажувам почитување. Целиот мој тим, сите знаат каков сум. Моите пријатели, сите што ме познаваат, знаат каква личност сум “.
Во главната борба на УФЦ 229 Нурмагомедов го запре Мек Грегор со присилување на предавање во четвртата рунда. Тоа беше првата одбрана на титулата која ја освои во април на УФЦ 223 и 27 професионална победа за непоразениот Дагестанец.
„Ви реков, Мек Грегор и целиот негов тим се машини за тапкање. Ви реков, кога ќе го ставите во погрешна позиција, ќе се предаде. И што се случи денес? Тие го нарекуваат светски шампион во две категории. Но денеска тапкаше. Појасот е овде кај неоспорниот, непоразен првак во лесна категорија“.
Хабиб потоа ги обвини медиумите дека не се ни виновни за моменталната состојба во ММА.
„И сакам да кажам уште нешто. Не се виновни луѓето, туку медиумите. Медиумите помалку го променија ММА. Ова е спорт на почитување. Ова не е спорт на валкано зборување. Ви реков дека сакам да го променам овој спорт. Не сакам луѓето да зборуваат за срања за противниците, за нечиј татко, за религијата. не може да зборувате за религијата и националноста. За тие за работи не се зборува. Тоа е многу важно за мене. Знам дека татко ми ќе се скрши кога ќе се вратам дома, бидејќи … Знам дека ќе ме здроби“.
Хабиб потоа додаде дека добил честитки од рускиот претседател Владимир Путин, по што ја напушти конференцијата.
