Хавиер Мендез откри дека Хабиб Нурмагомедов размислувал да се врати во ММА.
Мендез е главен тренер на Хабиб и двајцата имаат прилично блиски односи. Хавиер вели дека Хабиб сериозно размислувал да се врати во кафезот во 2021 година.
Нурмагомедов остана во програмата за тестирање на УСАДА осум месеци по неговото повлекување од боречките спортови.
Ова само ги потврдува зборовите на Хавиер. Ѕвездата од Дагестан се повлече од професионалните мешани боречки вештини во 2020 година. Неговиот последен натпревар заврши со победа над тогашниот привремен шампион Џастин Гејџи.
„Откако Хабиб се пензионираше, УСАДА сè уште го тестираше. Дана Вајт не го отстрани Нурмагомедов од тестирањето откако се пензионираше. Вајт сè уште се надеваше дека Хабиб повторно ќе се бори. Тој беше тестиран околу осум месеци пред да се измори од тоа. УФЦ се обидуваше да го натера да се врати и тој за малку не успеа.
Го видовте кога бевме во Абу Даби. Тогаш Хабиб рече: „Ако некој ми покаже нешто спектакуларно, тогаш можеби ќе се вратам“. Тој беше заинтересиран за борбата меѓу Конор Мек Грегор и Дастин Пориер.
Тие двајца не покажаа ништо за да го возбудат Хабиб. На крајот, Хабиб му кажа на Вајт дека повеќе нема да се тестира за УСАДА и дека неговото пензионирање е конечно. УФЦ го туркаше да се врати, но Хабиб не беше заинтересиран“, изјави Мендез за Гросвенор спорт.
Хабиб Нурмагомедов се повлече од спортот со беспрекорен професионален сркор од 29-0.
