Хабиб Нурмагомедов успеа да направи една од највпечатливите победнички серии во УФЦ и воопшто во ММА. Дагестанската ѕвезда забележа 29 последователни победи во ММА, од кои 13 во УФЦ. Се пензионираше непоразен и како шампион во најголемата ММА организација во светот.
Нурмагомедов постави неколку импресивни рекорди на УФЦ и доминираше во своите натпревари. Многу луѓе мислат дека Хабиб имал лесни битки, но тоа не е така. „Орелот“ вели дека сите борби во УФЦ биле тешки, дури и онаа против Конор Мек Грегор.
Неодамна Хабиб учествуваше во познат подкаст во САД и го сподели следново за борбите во УФЦ:
„Сите борби беа тешки, дури и онаа против Конор, бидејќи донесе психолошки игри. Се случува ваквите игри да бидат поисцрпувачки од физичката активност.
На пример, последниот меч ми беше многу тежок по она што му се случи на татко ми за време на мојот тренинг камп. Беше тешко да се бориш без него.
Се разбира, кога луѓето ги гледаат моите битки во кои доминирам со моите противници, им се чини дека таквите битки ми беа лесни. Повеќето од нив не беа лесни“.
