Хабиб Нурмагомедов и Дастин Пориер си разменија закани пред медиумите. Тие треба да се сретнат на УФЦ 241 на 7 септември во Абу Даби.
Шампионот во лесна категорија се уште е без пораз во кариерата, додека Пориер има пет последователни победи.
„Дастин направи добра работа против Холовеј, очекував победа на Макс. Пориер се подобрува. Долго време го гледав и морам да го скршам. Надвор од кафезот го почитувам, но одам внатре за да го скршам“, рече Хабиб.
„Јас сум Роки! Мојот живот е филм. Сите ме отпишаа на средбата против Холовеј, но навикнат сум на тоа. Во иднина ќе продолжам да се подобрувам. Знам сигурно дека ги имам вештините, силата, определбата и фокусот да го победам Нурмагомедов“, рече Пориер.
