На сите веќе им е позната ситуацијата околу Конор Мек Грегор и УСАДА, односно дека популарниот Ирец веќе го пречекори рокот што му го дадоа да влезе во програмата за тестирање доколку сака да настапи оваа година. Веројатно се надеваше дека ќе добие исклучок и ќе му биде дозволено да се бори без него, но изгледа овој пат нема да има никакви привилегии.
Изгледа дека Конор мислел дека само така ќе добие посебен третман, со што во неколку наврати јавно се пофали, но згреши. Вчера изјави дека нема да смее да се бори на настанот УФЦ 296 во дванаесеттиот месец од оваа година:
„Не ми дозволуваат да се борам во дванаесетти месец, дами и господа. Го видоа Крис Вајдман на УФЦ 292. Замислете каква повреда е тоа. Сега се чувствувам како да ми ја одземаат егзистенцијата, а јас така се чувствувам со години. Нема да се жалам и нема да потонам. Подготвен сум. Сакав да бидам најавен за УФЦ 296 на 16.12. Дадов се од себе, но тоа нема да се случи. Изгледа дека тоа нема да ми се случи“, напиша Конор на Твитер.
„Ја имам моќта. Ќе продолжам да го работам своето, на одлично место сум и сите ќе го видите наскоро. Почетокот на следната година е. Те молам Боже. Ме лишуваат од егзистенција. Подготвен сум за 16 декември“, рече меѓу другото.
Се чини дека Дана и тимот не можеа да одолеат на огромниот притисок на јавноста во овој случај. Тие ја налутија публиката со изјавите дека Конор „може што сака“, а се чини дека го изгубиле умот бидејќи тоа нема да се случи.
