Непоразениот шампион во средна категорија очигледно е лут по позитивниот тест на Канело Алварез, чувствувајќи дека може да има сериозен проблем. Головкин се подготвува за реваншот за 5 мај и се уште со нетрпение ја очекува средбата.
Казахстанецот е загрижен откако Алварез не успеа да го помине допинг-тестот по втор пат и беше фатен со кленбутерол, анаболична супстанца која може да влезе во телото од контаминирано месо. И покрај многуте случаи, Головкин сака повеќе одговори.
„Разочаран сум, бидејќи и двајцата сме професионални спортисти, сите ја разбираат ситуацијата. Ако навистина не успеал да го помине тестот, тоа ќе биде голем проблем. За спортот и за нас, се разбира”.
Алварез (49-1-2, 34KO), во едно неодамнешно интервју, ситуацијата ја нарече „срамна“, дури и повиците за повеќе тестирања од вообичаеното, за да докаже дека ќе ги расчисти работите до средбата.
Државната спортска комисија во Невада одлучи дека причината за неуспешниот тест е загаденото месо, ќе му даде на Алварез зелено светло да учествува на најголемиот меч оваа година.
На прашањето дали Алварез намерно го употребил кленбутеролот, познат како помош за губење на тежината, 35-годишниот Головкин (37-0-1, 33KO) не сакаше конкретно да одговори:
„Само прашајте го, него, неговиот тим, тие не се луди, имаат причина, а многу други спортисти претходно ги имале исти проблеми“.
