Генади Головкин по речиси година ипол повторно влезе во рингот и во деветтата рунда во Саитама супер арената го победи Јапонецот Риота Мурата.
Головкин на тој начин ја додаде титулата на Мурата во ВБА (Супер) на појасот на ИБФ и ИБО во средна категорија, што особено ќе го памети.
Имено, Казахстанецот во петокот го прослави својот 40-ти роденден.
Јапонскиот борец одлично го отвори мечот и држеше високо темпо во првите неколку рунди.
Головкин полека ја презема контролата и тргна многу поагресивно од шестата рунда.
Сè се сврте од моментот кога со голем удар ја скрши заштитата на забите на противникот.
Казахстанецот го подигна темпото и почна попрецизно да го удира Мурата, кој се обиде што подолго да остане во мечот.
На крајот од деветтата рунда Генади со одличен удар со десната рака го собори Мурата, а од аголот на јапонскиот боксер долета крпа и тука беше крајот.
Со оваа победа Казахстанецот обезбеди трилогија против мексиканската ѕвезда Канел Алварез.
Но, Мексиканецот треба прво да боксира против непоразениот Дмитри Бивол на 7 мај, а не се знае дали исходот од тој меч може да влијае на веќе најавената подоцнежна пресметка меѓу Алварез и Головкин.
Третиот меч меѓу Головкин и Канел е закажан за 17 септември. Нивниот прв дуел заврши нерешено, а во вториот победи Мексиканецот. Но, и двата беа контроврезни.
GGG showing he’s still one BAD MF at 40 years old with the 9th Round Stoppage. #GGGMurata | #DAZN
— Totally Blitzed Podcast (@Totally_Blitzed) April 9, 2022
What a fight. What a champion @GGGBoxing #GGGMurata pic.twitter.com/dKHWlwxpjb
— DAZN Boxing (@DAZNBoxing) April 9, 2022
Arigato 🙏🏻 pic.twitter.com/5szawTYyOu
— Gennadiy Golovkin (@GGGBoxing) April 9, 2022
