Канело Алварез загуби во мечот во полутешка категорија од Дмитри Бивол пред две недели и се чинеше дека ќе бара реванш.
Но, Мексиканецот вчера откри дека засега не сака возвратен удар и најави судир против Генади Головкин.
„Тој договор е сложен и мораме да го продолжиме она што го започнавме. Моментално трилогијата со Головкин и реваншот против Бивол се двата најголеми меча во боксерскиот свет. Против Бивол за жал загубив, но ќе се обидам повторно. Важно е да бидеме упорни и затоа повторно ќе се бориме“, изјави Канело.
На почетокот на април Генади Головкин го победи Јапонецот Риота Мурату во деветтата рунда, бранејќи ги титулите во средна категорија на ИБФ и ИБО и си го врати појасот ВБА (Супер).
Казахстанецот преку социјалните мрежи го потврди мечот против Канело.
„Сега е официјално, се гледаме на 17 септември“, напиша во објавата Генади Головкин.
Нивниот прв дуел заврши нерешено, а во вториот победи Мексиканецот.
It’s official. See you on September 17 💥@DAZNBoxing @MatchroomBoxing pic.twitter.com/4vdq1c5DwM
— Gennadiy Golovkin (@GGGBoxing) May 24, 2022
