Првата половина од оваа календарска година понуди неколку многу импресивни УФЦ настани и натпревари за кои долго ќе се зборува.
Најмногу се радувавме на спектакуларниот УФЦ 300 настан кој ни понуди фантастична „борбена карта“, а не заостана и УФЦ 299 одржан еден месец пред историскиот спектакл на УФЦ 300.
Алекс Переира е борец кој секако води во овој момент кога е во прашање изборот за најдобар борец во оваа календарска година. Поатан забележа два настапи во првата половина од 2024 година и забележа две спектакуларни победи.
На настанот УФЦ 300 го нокаутира Хил Џамахал веќе во првата рунда од борбата, а постигна одличен нокаут на УФЦ 303 настанот одржан на крајот на јуни. Во таа борба подебелиот крај го извлече Јиржи Прохаска.
Иако одржа „само“ еден меч во првите шест месеци од оваа година, можеме да кажеме дека и Макс Холовеј има добра година. Неверојатно добриот „Благословениот“ Холовеј се бореше на настанот УФЦ 300 за титулата „БМФ“. По речиси цели 25 минути доминација над фаворизираниот Џастин Гејџи, Холовеј покажа зошто е вистински „БМФ“. Десет секунди пред крајот на мечот, кој беше непречено добиен на поени, Холовеј со прстот ја покажа средината на кафезот и го повика Гејџи да отворена борба.
Да се направи нешто такво против удирач како Гејџи е навистина ризично, особено кога ви делат десет секунди до победа. Сепак, оние кои не преземаат ризици не профитираат. Холовеј го надмудри Џастин во отворена размена и брутално го нокаутираше буквално во последната секунда од борбата. Дефинитивно фаворит за најдобар нокаут оваа година.
Свој „коњ за трка“ во конкуренција за најдобар нокаут во годината има и Винисиус Оливеира. На почетокот на маерт Бразилецот го пречека Бернардо Сопаи, талентиран Албанец кој се согласи да скокне на повик картко време. Сопаи не го памети добро своето деби во УФЦ, бидејќи Оливеира брутално го нокаутира на 19 секунди пред крајот на борбата. „Летечкото колено“ на Винисиус Оливеира пресуди во борбата.
Дастин Пориер забележа еден од највпечатливите нокаути. „Дајмонд“ претходно оваа година се согласи да се бори со Беноа Сен Дени, Французин кој имаше репутација на еден од најнепосакуваните противници во лесна категорија. По многу тешката прва рунда за Пориер, Дастин се врати во мечот во втората рунда, а потоа целосно го сврте со неверојатен нокаут.
Сите досега наведени нокаути се само дел од одличната УФЦ компилација која ги вклучува најдобрите нокаути во првата половина на 2024 година. Ние сме само на половина пат од годината, а колекцијата изгледа фантастично. Ако се сомневате, најдобро е да се уверите сами.
Видеото е под текстот, уживајте!
