Гејџи е подготвен за војна со Топурија
„Ќе биде луда борба, ќе разменуваме удари и еден од нас веројатно ќе падне, ќе биде нокаутиран“, рече Гејџи во интервју за N3on.
Привремениот шампион во лесна категорија на УФЦ, Џастин Гејџи, изјави дека е целосно подготвен да се соочи со актуелниот шампион Илија Топурија.
„Ќе биде луда борба, ќе разменуваме удари и еден од нас веројатно ќе падне, ќе биде нокаутиран“, рече Гејџи во интервју за N3on.
Се очекува потенцијалната борба меѓу Топурија и Гејџи да се одржи на 14 јуни на настанот на УФЦ во Белата куќа, но официјалната борбена карта сè уште не е објавена.
Илија Топурија неодамна направи кратка пауза од семејни причини, но веќе ги продолжи целосните тренинзи. Гејџи, пак, стигна до привремената титула откако го победи Британецот Педи Пимблет со одлука на судиите.
29-годишниот Топурија останува непоразен во професионалната кариера во мешаните боречки вештини, што дополнително ја зголемува интригата околу неговиот потенцијален судир со еден од најагресивните борци во дивизијата.
