Сирил Гане не заборави кој беше околу него пред да го постигне најголемиот успех во кариерата – појасот на УФЦ во тешка категорија. Французинот, кој не загубил во професионалната ММА кариера, се заблагодарува на својот тим за постигнувањата преку објава на социјалните мрежи.
„Овој појас не ми припаѓа мене, му припаѓа на мојот тим. Кога започнав да работам ММА пред три години, тоа беше затоа што Фернанд Лопез виде нешто во мене. Знаеше дека можам да направам нешто во спортот. Така, тој даде се од себе да ми помогне да ја постигнам таа цел, и сега сме тука. Патувањето е далеку од завршено, но тој и мојот тим веќе го сменија мојот живот засекогаш. Се гледаме наскоро за следното поглавје од оваа приказна“, напиша шампионот.
Да потсетиме, Сирил Гане ја освои привремената титула во тешка категорија на УФЦ победувајќи го Дерек Луис со ТКО во третата рунда во главната борба на УФЦ 265.По победата, францускиот борец стана првиот предизвикува за титулата во тешка категорија, сопственост на Францис Нгану.
Гаен има скор од 10 победи и нема порази во ММА. Дури 7 од неговите натпревари досега, победи пред последниот удар во гонгот – 4 со нокаут и 3 со завршница. 31-годишниот борец влезе во УФЦ со гласно. Дебитираше во 2019 година за организацијата, забележувајќи три победи на три средби во октагонот. Во август, Французинот го победи Рафаел Песоа со завршница во првата рунда. Следуваше уште една победа со завршница. Овој пат негова „жртва“ беше Донтејл Мајс на УФЦ Фајт најт 162. На крајот на декември Гане славеше со одлука на судиите над Танер Босер. Минатата сезона Французинот го совлада и Жуниор дош Сантос, а оваа година ги совлада Жаирзињо Розенструик, Александар Волков и Дерек Луис.
