Гаетје го нокаутира Цероне, одличен меч на Тешеира и Крилов (ВИДЕО)

Џастин Гаетје (21-2, 4-2 УФЦ) беше убедлив против Доналд Цероне (38-13-1НЦ, 23-10 УФЦ) во главната борба на УФЦ настанот во Ванкувер.

Поранешниот шампион на ВСОФ/WSOF стигна до третата последователна победа со нокаут во последната минута од втората рунда, „Каубоецоте“ е 2-2 од враќањето во лесна категорија. Ова е негов втор последователен пораз, а трета последователна победа со нокаут на Гаетје во првата рунда.

Гаетје го рушеше Цероне со десницата, а потоа со низа удари удри го погаѓа беспомошниот противник, додека судијата не ја прекина борбата, а Цероне потоа се пожали на предвремен прекин.

https://www.youtube.com/watch?v=vAAUJrgJX4A
https://www.youtube.com/watch?v=6M1_etcZBGo

Во брилијантен меч во кој и двајцата можеа да дојдат до првата рунда, Гловер Тешеира (30-7, 13-5 УФЦ) со поделена одлука на судиите го совлада 12 годишни помладиот Никита Крилов (26-7, 7-5 УФЦ).

На 39-годишниот Бразилец ова му е трета победа во низа. Интересно е што на Украинецот ова му е прва борба во кариерата од 33 меча во која отиде до судиска одлука. По враќањето во УФЦ е 1-2.

https://www.youtube.com/watch?v=UIPJ_X_UsJc
https://www.youtube.com/watch?v=ji-ilsU6Q10

Поранешниот шампион во СБЦ, Мишел Переира (23-10, 1-1 УФЦ) плати за вишокот самодоверба. Бразилецот во текот на борбата со дебитантот Тристан Конели (14-6, 1-0 УФЦ) изведуваше акробатски елементи за потоа да остане без снага и загуби со едногласна одлука.

https://www.facebook.com/watch/?v=2102353846740287

Тешкашот Тод Дафи (9-3-1НЦ, 3-2-1НЦ УФЦ) се врати по четиригодишна пауза против Џеф Хјуџис (10-2-1НЦ, 0-1-1НЦ УФЦ). Камбекот заврши на незадоволителен начин бидејќи Дафи не беше во можност да го продолжи мечот откако во првата рунда доби со прст во окото и борбата е поништена.

Урија Хол со поделена  одлука го победи Антонио Карлос Жуниор.

ПОВРЗАНИ ВЕСТИ

ПОПУЛАРНО