Поранешниот светски шампион на УФЦ, Френсис Нгану, во сабота дебитира во боксерскиот ринг.
Камерунскиот удирач ќе учествува на настан во Саудиска Арабија против шампионот на ВБЦ, Тајсон Фјури.
На прес-конференцијата пред настапот тој се осврна на откажувањето на борбата меѓу шампионот Џон Џонс и Стипе Миочиќ, која требаше да биде насловна на настанот УФЦ 295 во Њујорк на 11 ноември.
„Тажна вест, навистина сум разочаран. Никогаш не е добро кога спортист ќе се повреди. Се надевам дека Џонс ќе се опорави и ќе се врати на борбите“, рече Френсис Нгану и додаде:
„Бев многу возбуден поради тој натпревар. Кога ќе се случи такво нешто, не можете никого да обвините. Секому може да му се случи. Не верувам дека е дел од игра“.
Во моментов Предаторот размислува само за судирот со Ромскиот крал.
„Отсекогаш сум сонувал за тоа и сакав да боксирам на големата сцена. Навистина сум среќен што сум дел од тој спектакл“, нагласи Френсис Нгану.
