Тајсон Фјури треба да ја брани титулата на ВБЦ против Дилиен Вајт. На двете страни им е даден рок да постигнат договор, а доколку тоа не се случи, ќе следи аукција за хонорари.
Но, веројатно сè уште се создаваат проблеми со правната битка на Вајт против ВБЦ, која ги попречува преговорите и односот на поделба на надоместоците.
Промоторот на Фјури, Френк Ворен, рече дека Фјури ќе се бори во март или април и има четири потенцијални противници. Вајт не е во таа комбинација.
„Фјури не може да биде неактивен поради арбитражата меѓу ВБЦ и Вајт. Мора да најдеме противник и да продолжиме понатаму. Во моментов работиме на тоа. Имаме четворица кандидати, а никој од нив не е Вајт“, изјави Френк Ворен, а воедно ја коментираше и поделбата на хонорарите на евентуален меч против Вајт:
„Не можеме да преговараме додека ВБЦ не ни каже како ќе изгледа поделбата на хонорарите. Еди Херн зборуваше глупости за преговорите. Тој сака неговиот боксер да добие 45, а ние мислиме дека тоа не може да биде повеќе од 20 проценти. Така пишува во регулативите на ВБЦ. Промоцијата не сака да ни ги даде овие информации додека не заврши арбитражата. Дотогаш нема да преговараме туку ќе организираме борба во април“.
Имено, промоторот на Вајт, Еди Херн, бара хонорарот да се подели 55-45 проценти за Фјури, додека тимот на Кинг Џипси инсистира да биде 80-20!
