Сопственикот на Квинсбери, промоторот Френк Ворен изјави дека сака да ги зголеми влоговите во евентуален боксерски спектакл и му нуди на шефот на Мечрум Еди Херн облог од 1 милион фунти за победа на неговиот тим.
Имено, неодамна Турки Алалших, главниот задолжен за организирање големи настани во Саудиска Арабија, ја истакна идејата дека сака да организира боксерски настан меѓу тимот на Ворен и Херн во пет борби.
Љубителите на боксот веќе ја прифатија идејата, и даваат предлози кој со кого би можел да се бори.
Ворен изјави дека се уште не знае кој би можел да учествува на тој настан, бидејќи е потребно да се договорат тежинските категории.
Но, тоа не значи дека само седи назад и чека, тој му понуди на колегата Херн облог од 1 милион фунти, верувајќи дека неговиот тим ќе биде подобар на пет средби.
„Не сум размислувал кои би биле тие пет борци, но наскоро ќе размислувам. Прво треба да видиме во кои категории ќе се одржи боксот, па потоа ќе се договориме за деталите“, изјави Френк Ворен и подвлече:
„Ќе имаме пет борби и на крајот севкупниот победник. Еден од тимовите ќе победи. Ајде да го зачиниме! Би сакал да се обложувам со Еди Херн. Еве, нудам милион фунти“!
