Фјури: Мечот со Вордли е добра опција, ако борбата со Џошуа не се случи

Тајсон Фјури изјави дека опцијата за борба со светскиот шампион Фабио Вордли подоцна во 2026 година е „добра“ за него.

„Ромскиот крал“ неодамна објави дека ќе се врати на рингот по уште едно пензионирање, кое веројатно ќе се случи во април. Британецот последен пат се бореше во декември 2024 година со Александар Усик во реванш за светската титула во тешка категорија, кој го загуби.

Се очекува неговата прва борба да биде против противник од понизок ранг пред да влезе во рингот за врвен судир против еден од најдобрите боксери. Тоа е Ентони Џошуа, кој неодамна доживеа сообраќајна несреќа. Во неа загинаа двајца блиски луѓе од неговиот тим.

Вордли, пак, прво стана привремен шампион на ВБО по изненадувачката победа над Џозеф Паркер, а потоа стана постојан носител на појасот откако Усик го напушти.

„Ајде да видиме како ќе изгледам кога ќе се вратам, а потоа подоцна во 2026 година овој (6-от Вордли) ќе биде добра опција за мене да станам трикратен светски шампион во тешка категорија. Самиот Фабио Вордли наскоро има тешка борба“, напиша Фјури.