Тајсон Фјури веќе сериозно размислува за следните предизвици по завршувањето на професионалната боксерска кариера. Ромскиот крал објави дека битката со Дилиен Вајт ќе му биде последна.
Објасни дека сака ММА шампионот Френсис Нгану да биде неговиот следен противник.
Британецот го гледа мечот како борба во кафез со ракавици од 4 унци.
Тајсон сфаќа дека на тој начин може да биде нокаутиран, па размислува да качи повеќе од 135 килограми и самиот да бара завршница.
„Тоа ми се случи. Ќе се борам за последен пат пред 100.000 луѓе на Вембли против Британец во меч за светски титули и престанувам – ме чека Холивуд“, му изјави Фјури на Ариел Хелвани во емисијата „MMA Hour“.
„Ќе се повлечам на врвот како двократен светски шампион. Ќе имам направено вкупно осум успешни одбрани како линеарен шампион. Никогаш не сум изгубил меч. Само јас и Роки Марчиано сме во овој елитен клуб за најтешките.
Да, тогаш сакам да се борам со Нгану, но мислам дека тоа не е вистински боксерски меч. Сакам да биде посебен. Ајде да бидеме во кафез со ракавици од четири унци на стадионот Рајдерс во Лас Вегас. Откако ќе се откажам од професионалниот бокс, ќе бидам целосно подготвен за ваков кросовер.
Френсис е многу голем и тежок човек. Навистина нема да биде фер борба со ракавици од 10 унци. Така со помалите ќе има многу поголеми шанси да ме нокаутира. Но, и јас сум со иста мисла. Ќе се обидам да излезам во мојата најлоша верзија на оваа битка. Мислам да имам над 135 килограми за да го распостелам во рингот со еден голем удар“, заклучи Фјури.
