Фјури и Вајлдер ќе се борат во октомври

68

Третиот меч меѓу Британецот Тајсон Фјури и Американецот Дионтеј Вајлдер ќе се одржи во Лас Вегас на 3 октомври, изјави новинарот Мајк Копингер на Твитер.

Првата борба меѓу боксерите во декември 2018 година заврши нерешено, а во втората средба на 22 февруари во Лас Вегас Фјури го победи Вајлдер со технички нокаут и му ја одзеде светската титула во ВБЦ верзијата, која Американецот успешно ја одбрани десет пати. Неколку дена по борбата, Вајлдер ја активираше опцијата за реванш.

Според условите на договорот, хонорарот на Вилдер ќе биде 40 проценти наспроти 60 за Фјури. Првично, средбата требаше да се одржи на 18 јули, но поради пандемијата на коронавирус, таа е преместена на почетокот на октомври. За Вајлдер тоа беше прв пораз во професионалната кариера.