Британскиот боксер Тајсон Фјури остро му одговори на светскиот шампион на ВБА Супер, ВБО, ИБО, ИБФ во тешка категорија, Украинецот Александр Усик, кој претходно изјави дека „Џипси Кинг“ се плаши да влезе со него во рингот.
Фјури одлучи да се бори со Ентони Џошуа кој во август загуби од Александар Усик. Тајсон го предизвика со тоа што му даде избор од два датуми за борба – 26 ноември на стадионот Вембли во Лондон (Англија) или 3 декември на стадионот во Кардиф, во Велс.
Ентони прифати, се согласи на втората опција. Тајсон е категоричен дека ќе се бори со Џошуа, но не верува дека неговиот сонародник ќе се пријави. На својот профил на социјалните мрежи Фјури му возврати на Усик и рече дека Александар е тој што е исплашен.
„Усик, мал лајнар. Си дозволуваш да зборуваш глупости. Не сакаш да се бориш со мене. Ќе се борам во декември. Ви понудија да се борите на 17 декември во Саудиска Арабија и се исплашивте!
Ако сакаш да се бориш, дојди. И ти и Џошуа сте лажговци“, сподели Фјури на социјалните мрежи.
View this post on Instagram
