Не за долго откако беше најавено дека Фабрицио Вердум ќе се бори во главната борба на првиот настан на УФЦ во Русија за поранешниот шампион стигна лоша вест.
40-годишниот Бразилец има закажана борба на 15 септември против Алексеј Олеиник, но најверојатно нема да биде ништо од тоа, бидејќи Американската антидопинг агенција (УСАДА) објави дека „Ваи Кавало“ бил позитивен на допинг-тестот направен на 25 април, по поразот со нокаут од Александар Волков.
Борецот ќе добие шанса да се оправда пред да се донесе конечната одлука.
