Европски шампион во бокс убиен во Омск

Европскиот јуниорски шампион во бокс, Ловари Михајленко, почина од прострелна рана во главата, објави Телеграм каналот „Маш он спорт“.

Телото на 31-годишниот спортист е пронајдено во неговиот стан. Според полицијата во Омск, 23-годишен маж бил во посета на Ловари. Меѓу нив избувнал конфликт, по што младиот човек зграбил пиштол и го застрелал Ловари во главата, а потоа го напуштил градот и се обидел да се скрие.

Осомничениот е приведен во регионот Новосибирск и обвинет за убиство. Во 2008 година Михајленко освои злато на Европското младинско првенство.

Нека почива во мир!