Шампионот во мува категорија на ВБЦ, Хуан Франциско Естрада го одбрани појасот во реваншот против поранешниот светски шампион Карлос Квадрас.
Мечот беше доста изедначен, а шампионот беше соборен во третата рунда, но успеа брзо да се опорави. Естрада ситгна до победата во 11-тата рунда откако двапати го собори Квадрас и судијата го заврши мечот.
Естрада се очекува да се соочи со шампионот на ВБА, Роман Гонзалес, на почетокот на следната година. Ова ќе биде еден вид реванш меѓу нив. Нивната прва борба беше во 2012 година, а Гонзалес победи со едногласна одлука.
