Една од најочекуваните борби оваа година ќе се одржи на 11 ноември во Њујорк, каде Стипе Миочиќ ќе се обиде да го врати тронот на УФЦ во тешка категорија против Џон Џонс.
На настанот УФЦ 295 во Медисон сквер гарден најголемиот тешкаш во историјата ќе се пресмета со еден од најдобрите борци во светот.
Нивната борба се анализира со недели, многумина го кажаа своето мислење, а неодамна борецот на УФЦ во полутешка категорија Ентони Смит се осврна на тој одличен меч.
Во март 2019 година Смит се бореше со Џонс за појасот во полутешка категорија и загуби со едногласна одлука.
„По долго време Џонс првпат ќе биде во ситуација која не е нормална за него. Борците како него, како Андерсон Силва, ЖСП, Деметриус Џонсон, обично се борат против борци кои се искачуваат по скалилата и се обидуваат да му се заканат на шампионот“, истакна Ентони Смит и продолжи:
„Но сега Џон ќе се бори со друг крал. Стипе не ја чувствува енергијата околу Џонс што ја чувствуваат другите борци, затоа што ја има“.
Многу тешка задача го чека Буонс и многу опасен противник.
„Џон ќе мора да најде решение за брзината на Миочиќ. Верувам дека Стипе е побрз тешкаш и може да го неутрализира борењето на Џонс со својата сила и големина. Миочиќ ќе му се спротивстави на Џонс со својата големина и сила“, изјави Ентони Смит, додавајќи:
„Покрај тоа, Стипе се бореше со многу посилни ударчи од Џонс и покажа дека може да издржи тешки удари. Како и сите други, и тој имаше тешки моменти со Френсис Нгану. На Стипе ќе му биде полесно да се справи со ударите на Џонс отколку на противниците на Џонс во полутешка категорија. Џон ќе биде во неволја“.
Дали тоа ќе биде последна борба во кариерата на Стипе Миочиќ?
„Ако Стипе го победи Џонс, веројатно ќе продолжи да се бори“, нагласи Ентони Смит и подвлече:
„Неодамна го прашав Стипе дали тоа му е последен меч, а тој ми рече дека секоја борба во последните години е потенцијално последна во неговата кариера. И, ако го победи Џон, ќе биде во неверојатна позиција. Замислете колку пари ќе има на маса без тој да сака да ги земе. Има малку борци кои само така би се пензионирале“.
