Денеска на каратистот Емил Павлов од КК „Штип“ свечено му беше доделено признанието за најдобар спортист на Општина Штип во 2015 година, кое е второ по ред.
Павлов ова признание го заслужи со бронзениот медал од Европските игри во Баку, Азербејџан, петото место на Европското првенство во Турција, државен првак во категоријата до 60 кг.
Неговата клупска другарка Бојана Манева е прогласена за најодбра јуниорка, додека кај кадетите борачот Мартин Стојанов од БК Балканец е прворангиран, додека втора е кикбоксерката Викторија Варадинова, а третото место го делат борачот Серхан Шахиров и кик-боксерот Божјидар Јанков.
Кај пионерите, најуспешен за 2015 е каратистот Григор Хаџикимов, второто место и припадна на одбојкарката Тамара Христовска, додека на третата позиција се борачите Давид Мишев и Петар Тодев.
За најдобар тренер е прогласен Жарко Арсовски, кој е тренер на најдобро рангираниот Павлов, за најдобар клуб е прогласен ППК „Шампион ФА“.
За спортски подвиг на годината се прогласени резултатите на фудбалскиот тренер Влатко Костов, голманот Филип Гачевски и планинарот Д-р Зоран Џидров.
Најдобри судии се одбојкарскиот судија Никола Мицевски и фудбалскиот делител на правдата Никола Караколев. Признание за најдобар спортист во екипните спортови ќе добие Кристина Манева. За најдобра екипа во среднишколска конкуренција е прогласена женската одбојкарска екипа на гимназијата „Славчо Стојменски“, додека кај основците, најдобри се ракометарките и одбојкарките на ОУ „Димитар Влахов“.
За најдобри спортски новинари се прогласени: Драги Герасимов, Христијан Митев, Кирил Манев и Никола Арсов.
Ipon.mk/В.Д.
