Еден од најинтересните и долго очекуваните мечеви во УФЦ до крајот на 2020 година ќе мора да се одложи.
Станува збор за битката во средна категорија меѓу Леон Едвардс и Хамзат Чимаев. Тие требаше да го предводат УФЦ Фајт најт 183, закажан за 19 декември.
Причината за одложувањето на средбата е таа што Британецот даде позитивен тест на коронавирусот. Веста сè уште не е официјално потврдена од организацијата, но голем број американски медиуми веќе потврдија што се случува.
Leon Edwards vs. Khamzat Chimaev isn’t happening on Dec. 19, per sources. Unfortunately, Edwards recently tested positive for COVID.
UFC is hoping to re-book the fight in early 2021, sources say.
— Ariel Helwani (@arielhelwani) December 1, 2020
Извори блиски до ситуацијата тврдат дека здравјето на Едвардс не цвета и дека Англичанецот изгубил скоро 5 килограми во последните неколку дена. УФЦ се надева дека средбата ќе се одржи во јануари или февруари 2021 година.
Најверојатно, мечот меѓу Гоф Нил и Стивен Томпсон ќе биде промовиран во главен на вечерта.
