Леон Едвардс (21-3, 1 НЦ) ја одбрани титулата на УФЦ во полусредна категорија пред домашната публика во Лондон.
На настанот УФЦ 286 во преполната О2 арена Англичанецот со мнозинска одлука во реваншот го победи Камару Усман (20-3).
Тоа беше нивен трет натпревар и втора победа за Едвардс.
За Роки ова е 11-та победа во низа (има еден поништен меч), додека за Усман е втор пораз во низа.
Леон и Камару претпазливо влегоа во мечот. По некое време Усман го запоседна центарот на октагонот и одлично го контролираше мечот.
Но, потоа погоди „среден удар“ на Едвардс, кој малку го потресе Камару, кој подоцна се обиде да возврати со соборување.
Во првата половина од втората рунда Англичанецот неколку пати добро го удри Усман, а промаши и удар со колено.
Усман возврати повторно со соборување. Откако ја вратија борбата на средината на октагонот Леон повторно брилијантно го погоди Камару. На крајот од рундата размениле неколку одлични удари.
Усман на почетокот на третата рунда го собори Едвардс, кој успеа да се извлече до оградата.
Одбранувајќи се од нападот на Камару Англичанецот ја фати оградата и му беше одземен бод. Леон се закани со лоу кикови, но Камару успешно ги избегна тие обиди.
Камару продолжи да притиска и во четвртата рунда, додека Леон повеќе повеќе погаѓаше и се закани со удари. Усман неколку пати се обиде да го собори Англичанецот, кој успешно се одбрани.
https://www.youtube.com/watch?v=1o5Yg0wFa1w&t=3s
Последната рунда понуди малку поотворена борба, но никој не сакаше да ризикува, па судиите го решија победникот.
Едвардс го победи Усман со мнозинска одлука (48–46, 48–46, 47–47) и го одбранил шампионскиот појас.
🚨 ENTERING CHAMPIONSHIP ROUNDS 🚨 #UFC286 pic.twitter.com/fibeKBH8gL
— UFC (@ufc) March 18, 2023
Во конасловната борба Џастин Гејџи (24-4) со мнозинска одлука го победи Рафаел Физиев (12-2).
Тоа беше прв меч за Американецот по минатогодишниот пораз во борбата за титулата во лесна категорија против Чарлс Оливеира, додека Физиев го претрпе вториот пораз во кариерата по шест победи во низа.
Разменија одлични ножни удари и тупаници во првата рунда, но никој не сакаше да ризикува премногу.
Во продолжение гледавме отворена војна. Се задаваа удари од двете страни, се разменуваа комбинации, но и Џастин и Рафаел останаа цврсто на нозе.
Физиев одлучно тргна во последната делница, па неколку пати добро го погоди Гејџи. Но Американецот успеа да го смири агресивниот Рафаел, па на средината од рундата му возврати на противникот. На крајот успеа да го собори Азербејџанецот и да ја потврди победата.
Гејџи славеше со мнозинска одлука (29–28, 29–28, 28–28), а побара уште една шанса да се бори за шампионската титула во лесна категорија.
https://www.youtube.com/watch?v=C3QCFtrj6ow&embeds_euri=https%3A%2F%2Fmkd.mk%2F&source_ve_path=MjM4NTE&feature=emb_title
Големиот Гунар Нелсон оствари нова победа совладувајќи го Брајан Барберена со принуда.
Исланѓанецот стигна до доминантна позиција на крајот од првата рунда, и нападна со удари. Го искористи моментот на невнимание и на десет секунди пред крајот на рундата употреби лост на раката и го принуди противникот да се предаде.
Џенифер Маја го победи Кејси О’Нил со едногласна одлука (30–27, 29–28, 29–28).
Бразилката веднаш најде добар ритам и со својата боксерска техника ја држеше противничката на дистанца. Таа имаше одлична тактика на која се држеше во текот на целиот натпревар. Само во третата рунда Австралиецот се обиде да се закани.
И во првата борба од главната програма, Марвин Ветори го совлада Роман Долиџе со едногласна одлука на судиите (29–28, 29–28, 30–27).
Италијанецот по мечот ги повика Переира, Канониер и Адесања.
Српскиот борец Душко Тодоровиќ загуби со прекин во првата рунда откако го повреди коленото против Кристијан Лерој Данкан.
Двајцата се најдоа во клинч на жицата, со Данкан на челната позиција. Во еден момент Душко падна на подот и мечот заврши таму.
Резултати од настанот УФЦ 286:
Леон Едвардс – Камару Усман – мнозинска одлука (48–46, 48–46, 47–47)
Џастин Гејџи – Рафаел Физиев – мнозинска одлука (29–28, 29–28, 28–28)
Гунар Нелсон – Брајан Барберена – завршница (армбар), Р1 (4:51)
Џенифер Маја – Кејси О’Нил – едногласна одлука (30–27, 29–28, 29–28)
Марвин Ветори – Роман Долиџе – едногласна одлука (29–28, 29–28, 30–27)
Воведни борби:
Џек Шор – Макван Амирхани – завршница (гушење од позади) Р2 (4:27)
Крис Данкан – Омар Моралес – поделена одлука (27–30, 29–28, 29–28)
Јанал Ашмоз – Сем Патерсон – КО (удари), Р1 (1:15)
Мухамед Мокаев – Џафел Фиљо – завршница (нек кранк), Р3. рунда (4:32)
Лероне Марфи – Габриел Сантос – поделена одлука (28–29, 29–28, 29–28)
Кристијан Данкан – Душко Тодоровиќ – ТКО (повреда на коленото), Р1 (1:52)
Џејк Хедли – Малколм Гордон – ТКО (удари), Р1 (1:01)
Џоан Вуд – Луана Каролина – поделена одлука (28–29, 30–27, 29–28)
Џаи Херберт – Лудовит Клајн – нерешено (мнозинство) (29–27, 28–28, 28–28)
Вероника Харди – Џулијана Милер – едногласна одлука (30–27, 30–27, 30–27)
