Британскиот промотер Еди Херн зборува за претстојната борба меѓу неговиот сонародник Тајсон Фјури и Камерунецот Френсис Нгану.
Неодамна и официјално беше објавена борбата меѓу Фјури и Нгану. Двајцата ќе имаат боксерски меч на 28 октомври во Ријад, Саудиска Арабија. Мечот ќе се одржи во регулиран боксерски ринг според правилата на боксот, вклучувајќи тројца судии на рингот користејќи го системот од 10 поени.
Херн го критикуваше Фјури што побегна од Александар Усик за да се бори со дебитант:
„Прво, мислам дека на Фјури не треба да му се одземе титулата. Второ, тоа е страшно за боксот затоа што шампионот во тешка категорија треба да се бори во борби што боксерскиот свет ги очекува од него.
Треба да го зацементира своето наследство. Колку години боксот чека борба за апсолутна титула во тешка категорија? Пет, шест, седум? Фјури имаше можност да се бори со Усик за 60-80 милиони долари, но не сакаше да го направи тоа.
Промоторот на Фјури вели дека проблемот е што сите потпишуваат со Саудиска Арабија. Но, Фјури се повлекува од наследната борба и оди во Саудиска Арабија да се бори со дебитант кој нема шанси“, изјави Херн за ТВ ИФЛ.
View this post on Instagram
