Промоторот Еди Херн, кој раководи со кариерата на двократниот светски шампион во тешка категорија, Ентони Џошуа, смета дека неговиот штитеник е неприкосновен фаворит во борбата со Тајсон Фјури.
Херн ја гледаше борбата на Фјури со Френсис Нгану и не беше импресиониран. Тајсон настапи многу лошо против Нгану и тесно победи со поделена одлука. Еди смета дека Тајсон не е тоа што беше и нема шанси против Џошуа. Сега Фјури прво ќе треба да го победи Александар Усик за да го принуди Џошуа да се бори со него.
„Го кажав тоа од се срце и сега го сфатив тоа. Ентони Џошуа ќе го победи Тајсон Фјури секој ден од неделата. Ќе го истепа. Ја видовме борбата меѓу Фјури и Френсис Нгану. Сега ги знаеме неговите слабости. Неговата глава не е како што беше.
Фјури треба да го победи Александар Усик за да го принуди Џошуа да се бори. Не може да се пензионира без да се бори со Џошуа. Ентони ќе си ја заврши работата и ќе го пензионира. Ветувам“, рече Херн во интервју за Јутјуб каналот на ИФЛ ТВ.
