На неодамнешниот боксерски настан во Квебек, дагестанскиот борец со канадски пасош Артур Бетербиев го победи Калум Смит со прекин во седмата рунда.
Тоа беше 20-та победа во кариерата на непоразениот Бетербиев, која повторно ја оствари со нокаут и ги задржа титулите во полутешка категорија на ВБЦ, ИБФ и ВБО.
Се чини дека патот на Артура сега води само во еден правец, а тоа е борба против шампионот на ВБА Дмитри Бивол во меч за апсолутен шампион во полутешка категорија.
Боксерскиот промотер Еди Херн кој се грижи за кариерата на Дмитри Бивол го коментираше настапот на Батервиев против Смит.
„Тој тип нема човечност во себе, никого не штеди“, рече Еди Херн и додаде:
„Воопшто не дише, а боли секој негов удар. Дури и во клинч можете да видите колку е силен. Не сум сигурен дека сум го видел тоа кај којбило друг борец. Има неправедна предност на секој меч. Но и Бетербиев знае добро да се одбрани. Генерално беше порасположен и поостар од Калум Смит, многу добро знаеше како да ја заузда својата моќ“.
