Секој ден е се помалку веројатно дека шампионот на ВБЦ во тешка категорија Тајсон Фјури ќе боксира против Ентони Џошуа на почетокот на декември.
Кралот на Ромите му го продолжи рокот на Џошуа да го потпише договорот, но се чини дека поранешниот шампион и неговиот менаџер Еди Херн немаат намера да го прифатат мечот по негови услови.
Не е тајна дека Фјури неодамна покажа интерес и за други противници, а најспомнуван е Мануел Чар.
Промоторот на Џошуа, Еди Херн, смета дека на Фјури не му требаат такви противници, но има предлог.
„Повторно го прозва Чар. Посочувајќи дека тој е вистинската противник за него и дека има мадиња. Па, тој боксер воопшто не е рангиран, тоа е многу лош меч. Ако веќе не сака да се бори со Џошуа, зошто не се бори со Џојс? Тој е подготвен и се уште имаат заеднички промотори“, изјави Еди Херн.
Минатиот викенд Џо Џојс го победи Џозеф Паркер со нокаут во 11. рунда и го освои привремениот појас на ВБО, со што стана задолжителен предизвикувач на Усик.
А Џипси Кинг неодамна изјави дека Џојс е втор најдобар тешкаш во светот, се разбира, по него.
