Сопственикот на „Мечрум бокс“ Еди Херн го откри својот фаворит во борбата за светска титула во тешка категорија меѓу Тајсон Фјури и Александар Усик.
Пред неколку недели беше објавена веста дека Фјури и Усик се договориле и потпишале договори за меч кој ќе ги обедини титулите. Борбата треба да се одржи во декември или точно на почетокот на следната година во Саудиска Арабија.
Повеќето боксерски аналитичари веруваат дека Кралот на Ромите ќе ги искористи физичките предности, а на Украинецот ќе му ги одземе шампионските појаси и ќе ги додаде на неговиот ВБЦ појас.
Познатиот промотер призна за Мо боксин‘ мо проблемс дека повеќе го сака својот британски сонародник и додава дека е апсолутно подготвен да „направи хаос“.
„Мислам дека Тајсон Фјури ќе победи. Тоа е многу незгоден меч и не верувам дека ќе биде најголемата борба што сте ја виделе, но дефинитивно ќе биде нешто посебно“, изјави Еди Херн и додаде:
„Фјури е премногу добар борец. Ќе му направи неред на Усик и ќе најде начин да го победи. Сигурен сум во тоа“.
Веста дека Фјури и Усик конечно ќе се соочат во рингот ги воодушеви фановите. По 1999 година и Ленокс Луис, тешката категорија конечно ќе го добие апсолутниот светски шампион.
Александар Усик неодамна го победи Даниел Дубоа во Полска и по вторпат ги одбрани појасите на ВБА (Супер), ИБФ и ВБО.
А на крајот на месецот Тајсон Фјури го чека меч против поранешниот шампион на УФЦ Френсис Нгану, што ќе биде негов прв боксерски меч во кариерата. Кралот на Ромите нема да ја брани титулата на ВБЦ во таа борба.
